کرمیگ توەنێد پلاستیک بخوەێد ئومێد نوویگ پەیا کەێد
2022-06-18T14:15:13+00:00
شەفەق نیوز/ زانایلیگ لە ئوسترالیا، ئمڕوو شەممە، خەوەریگ بڵاو کردن، باس کرمیگ کەێد ک توانا دیرێد پلاستیک بخوەێد.
زانایلە وتن: ئی کرمەیلە ک پلاستیک خوەن وقویتی دەن، ئیجا وە ئەنزیمیگ جیاواز درارنەی، ک یەکەم جار مادەی پولی ستایرین قرتنن وکەنەی پارچەیلیگ هویرد، ئیجا وە شیوەیگ کیمیایی وە میکرۆب شیوەی وپیکاتەی پلاستیک ئاڵشت بوود.
یەیشە لە وەختیگ تیەێد ک جەهان زیان لەدەس جیماگەیل پلاستیک وەخوەی دوینێد، ک پلاستیک فرە دیر لەناو چوود، وزەرەد گەورەیگ رەسنێدە ژینگە.
