راوکردن گەپترین تیمساح ک یە ٨٠ ساڵە لە رێنەیل خوەێد

شەفەق نیوز/ راپۆرتەیلیگ رووژنامەوانی لە ئەمریکا، باس ئەو راوچیە لە ویلایەت میسیسپی کردن ک تۊنست گەپترین تیمساح راو بکەێد، و وێنەیل ئەو تیمساحە لەبان تووڕەیل کۆمەڵایەتی سەرسام مەردمەگە کرد.  

وەگورەی رووژنامەی دەیلی مەیل، درۊژی تیمساحەگە لە چوار مەتر زیاترە، و کیشەگەی رەسێدە ٤١٠ کێلوگرام.    

ئەو تیمساحە لە باشوور ویلایەت فلۆریدا گریا، دۊیای ئەوە ک ئەرا ٨٠ ساڵ لە رێنەیل ئەو ناوە خوارد. 

راوچیەگە لەناو گوڵەمیگ ئەو تیمساحە پەیا کرد، و گولە دا لە سەری، ئیجا لەناو گوڵەمەگە دراوردەی،        

و هەنای راوچیەگە وێنەگە بڵاو کرد، مەردم فرەیگ بەشداری ئەو وێنە کردن، باوجی چالاکوانەیل مقەیەتیکردن ئاژەڵ لەلی هاتنە دەنگ، وەلی فرە لە مەردمەگەیش دەسخوەشی لەو راوچیە کردن ک رێنەیل ئەو ناوە لە قەپی ئاسوودە کرد.