دە ساڵ خزمەت وە پاتشا و دە رووژ خزمەت وە سەگ
کوڵە چیرووک
پاتشای فەرمان دا تا چەن گلە سەگ وەحشی مخت بێیەن تا هەر کەسێ کە هەڵەیگ کرد بخەنەی وەر دەم سەگەیلە تا هەڵدڕنەێ.
رووژیگ یەکێ لە وەزیرەیل دەنگێ(رای) دا ک پەسەن شا نەۊ پاتشا فەرمان دا تا بخەنەی نوای دەم سەگەیلە.
وەزیر وەت: من دەساڵ خزمەت وەئێوە کردمە ئێرنگە دە رووژ دەرفەت تا وەڕێیا بردن حکوم بێیە پێم .
پاتشا وەت : یەیش دە رووژ موڵەت.
وەزیر چیەرا لاێ کشگچی سەگەیلە وەتە پێ : توام دە رووژ خزمەت وەی سەگەیلە بکەم.
کشگچی وەت : لەی کارە چە فایدەی بەی..؟
وەزیر وەت : وەی زۊ رەسیدا.
کشگچی وەت : باشەد ئیکارە بکە.
وەزیر دەس کردە کوو کردن چشتەیل راحەتی ئەڕا سەگەیل و خواردن خاس داین وەپێیان، شووردنیان و هەر کاری کە هەوەجەیان بی ئەڕایان کرد.
دە رووژ رەێ بی وەخت وەڕێیا بردن حکوم رەسی
فەرمان دا کە وەزیر بخەنە نوای سەگەیل حکوم وەدروسی وەڕێیا بردن و خود پاتشایش لەو وەختە گورج بی و تەماشاکەر بی وەلێ پیشهات ئەڵاجەۊی دی.
گشتێ سەگەیلە کەفتنە مل قول وەزیر و جم نیەخواردیان ....!
پاتشا پرسیار کرد : وەگەرد ئی سەگەیلە چە کردیدە ...!؟
وەزیر وەڵام دا : مە دە رووژ خزمەت وەی سەگەیلە کردمە لە ویریان نچییە وەلێ دە ساڵ خزمەت وە ئێوە کردم گشتێ لە ویردا چی.
پاتشا سەری خسە خوار و فەرمان دا وەزیر ئازاد بکەن.
هەڵگەردان سادق جەلیلیان
