دوو هاوسەر لە هندستان ئەرا سەنین ئایفۆن مناڵیان فرووشن
2023-07-28T14:27:41+00:00
شەفەق نیوز/ لە خوەرئاوای بێنگال لە هندستان دوو هاوسەر وە ناوەیل (جایدێڤ) و (ساسی) دان وەئەوە دانانە ک مناڵە هەشت مانگەگەیان فرووشتنە تا بتوەنن وە پویلەگەی مۆبایل ئایفۆن بسینن ریل بکەن و لە سۆشیال میدیا بڵاوی بکەن وەخاتر دەسهاوردن بڕە پویلیگ و زیایبوین دوینەریان.
وەپای ئەوەگ لە TRT WORL بڵاوکریاگە، ئی دوو هاوسەرە وە لایەن هاوساگانیان ئاشکەراکریانە هەنای دوینن مۆبایل گران بەها سەندنە وە ناو بێنیگال گەردینە ئەرا توومارکردن وینە و ڤیدیۆ ک لەهەمان وەخت مناڵەگەیانیش دیاری نەویە، هەنای پرسیار لەلیان کردنە وتنە مناڵەگەیان فروشتنەسە خانمیگ لە ئاواییگ نزیک خوەیان.
ئیرنگە دوو هاوسەرەگە و ئەو خانمەیش ک مناڵەگە سەنیە وەلایەن پۆلیس دەسگیرکریانە و مناڵەگەیش گلەودریایە.
