خانمە نویسەر فەڕەنسی ئانی ئیرنۆ خەڵات نۆبل وەدەس هاورد
شەفەق نیوز/ خانمە نویسەر فەرەنسی، ئانی ئیرنۆ، ئمڕوو پەنجشەممە، وە خەڵات نۆبل لە ئەدەب ئەرا ساڵ ٢٠٢٢ سەرکەفت.
دەسەی پەسەنکردن نۆبل وت: ئیرنۆ لە تەمەن ٨٢ ساڵی پەسەن کرد، چوینکە ئازایی و ویرەداری نشان دایە لە پەیاکردن ڕیشە و دویری و پابەندیەیل کۆمەڵی ئەرا هویرمان کەسایەتی.
لە ساڵ ١٩٠١ تا ئیسە، ١١٥ خەڵات نۆبل لە ئەدەب بەشەو کریایە، و تا ئیسە ٧ ژن بوینەسە خاوەن ئەو خەڵاتە.
تەمەن بویچگترین کەس ک بویەسە خاوەن ئەو خەڵاتە، ٤١ ساڵ بویە، ئەوەیش رۆدیارد کلیبلینگ، ک وە کتاو "زا جانگەل بوک" ناسریاگە.
گەورەترین تەمەن لە وەرگرەیل خەڵاتەگە، دۆریس لێسێنج بوی، لە تەمەن ٨٨ ساڵی ئی خەڵاتە وەدەس هاورد.
هەفتەی ئاشکراکردن خەڵاتەیل نۆبل، رووژ دووشەممەی گوزەشتە دەسوەپی کرد، ک زانای سویدی سڤانتی بابۆ خەڵات نۆبل لە پزشکی وەدەس هاورد، لەبان ئاشکراکردن دی ئێن ئەی ئایەم سەرەتایی، ک نووڕینیگ سەرەکی ئەرا سیستەم وەرگری وەپیمان پیشکەش کرد.
رووژ سێشەممە، سێ زانا وەیەکەو خەڵات نۆبل لە فیزیا وەدەس هاوردن.
