بەزالیا هیز هۊرمان دەێد

شەفەق نیوز/ میخائیل گینزبۆرگ، پزیشك روسی لە پەیمانگەی لێكۆڵینەوە خوەراکیەیل ئەرا مقەیەتیکردن و چارەسەر خوەراکی ئۊشێد: بەزالیا نوای تۊشبۊن وە شێرپەنجە گرێد و وەشیوەی وەرچەویگ سوقانەیلە پتەو کەێد، وەڕای ئەو پسپۆڕە پاقلەمەنییەیل وەگشتی بوونە هووکار دوارە گەنجكردن و  لەدەستدان كیش و وەهێزكردن یادەوەریی. 

گینزبۆرگ وە كەناڵ "روسیا 1" راگەیانیە، بەزالیا بڕیگ فرە پڕۆتین و سیلیكۆن هاناوی، ك ئەوانە پێكهاتەی گرنگن لەپرۆسەی نووکردن پووس و وەهێزكردن سووقان و جومگەیلە. 

ئەو پسپۆڕ ڕوسییە مژار خوەراکناسی باس لەوەیش کردیە،  گشت پاقلەمانییەیل، ترش نیكۆتینیكیان هاناویان ئەو ترشە دژ وە هەوكردنە و مقەیەتی دیوار لۊلەیل خۊن کەن  و نێیلن خۊنبەرەیل رەقەو بوون و ئایەم لەو بیماریەیلە مقیەتی کەێد، ک پەیوەنی  وەرەو تەمەنچگن دیرێد. 

خواردن بەزالیا وە وەردەوامی ری لە گەشەكردن خانە شێرپەنجەییەیلە گرێد، هەرجۊر یادەوەری وەهێز کەێد و هەبۊن ڤیتامین B1 هیلێد كاریگەریی خاس لەبان دەماخ و گشت كۆئەندام دەمار بیاشتوود. 

ئەو پزیشكە ئۊشێد: بەزالیا توێكڵەگەییش پڕ وەلفەتە، چۊنکە  دەوڵەمەنە وە ترش ئەسكۆربیك و ڕیشاڵ خوەراکی، لەوەر ئەوە خواردنی دەسمیەتی ڕێكخسن ئاست شەكەر لەخۊن دەێد و بوودە هووکار لەدەسدان كێش لەش.