پەیاکردن گەنجینەیگ چوودەو ئەرا سەردەم خیلافەت لە رووسیا
2024-10-05T10:11:08+00:00
شەفەق نیوز/ زانیایەیل ئاسەواری لە ئەنجام کارەیل چاڵگەنین لە ناوچەی کاتدرایەی سۆفیا لە شار فیلیکی نۆفگورد گەنجینەیگ پەیمانەیی پەیا کریا، کە ١.٩ هەزار پارچەی گەوهەر و پویل نوقرە لەناوی بوی.
نویسنگەی راگەیانن پەیمانگەی ئاسەواری لە ئاکادیمیای زانستەیل رووسیا وت: ناو "Vozdvizhensky" ئەرا ئی گەنجینە نریاس کە چوارەم و گەورەترین گەنجینەس لە فیلیکی نۆفگورد پەیا کریاس.
نزیکەی ١.٨ هەزار پارچەی پویل کانزایی لەناوی بوی، و فرەیان درهەمەیل سەردەم خیلافەت عەرەبی بوینە، و زیاتر لە ٨٠ پارچەی گەوهەری نوقرە و میرگ و کلکوانە و دوگمە، کە کیش گشت ئی گەنجینە رەسێدە نزیکەی سێ کیلۆگرام.
سەرچەوەیگ لە پەیمانگە وت: لەناو گەنجینەگە درهمەیلیگ هەی لە شیوەی درهوم کووفی دروس کریانە.
