پيشگوويگ: سه‌رۆك وه‌زيره‌يل ئاينده‌ی عراق خه‌ڵك ناسريه‌و سه‌رۆك كوماريش عه‌ره‌به
2013-12-23T12:21:40+00:00
مهران عه‌بدولجه‌بار گه‌ردوونناس له لێدوانيگ ك(شه‌فه‌ق نيوز)ئاگاداری بوی وت: ساڵ ٢٠١٤ ئاڵشتكاريه‌يل ئاشكرايگ وه‌خوه‌يه‌و دوينيد له خه‌ريته‌ی سياسی عراقی له هه‌رسێ پۆسته‌يل سه‌رۆكايه‌تی و ئاماژه وه يه‌يش كرد ك كيشه‌يل سياسی و ئابووری و ئاسايشی له عراق ك هه‌رچه‌نی چه‌ن مانگيگيش له ساڵه‌گه ئارامی وه خوه‌يه‌و بوينيد، وه‌لی هه‌ر وه‌رده‌وام مينيد.
عه‌بولجه‌بار هه‌ميش وت: كيشه‌يل سياسی ك له‌شوون هه‌ڵوژاردنه‌يل روی ئه‌ياد، بووده مايه‌ی دويره‌وخستن مالكی له ته‌خت سه‌رۆكايه‌تی وه‌زيره‌يل، چوينكه شماره‌يگ له سياسيه‌يل ئيسه له عراق ده‌رچن و دی گله‌و ناخوه‌ن له‌شوون شكه‌ستيان له هه‌ڵوژاردنه‌يل.
ج . أ
