وەزیر ناوخۆی هەرێم کوردستان: تورکیا و پەکەکە پەسا دانوسەنین کەن ئەرا چەکداناین حزبەگە
شەفەق نيوز/ ڕێبەر ئەحمەد وەزیر ناوخۆی هەرێم هەموو، ئمڕوو سێشەممە، راگەیان کە تورکیا دەسکردە دانوسەنین وەرد پەکەکە ئەرا چەکداناین حزبەگە.
ئەوەیش لە وتاریگ ئەرا رووژنامەنویسەیل هات لە پەراویز بەشداریکردنی لە پێشانگای ناودەوڵەتی هەولێر ئەرا بیناکردن و وزە لە چاپ پانزەهەمی.
ئەحمەد وت: هەردوگلایەن تورکیا و پەکەکە پەسا دانوسەنین کەن لەبان چەکداناین، وەلێ تا ئیسە هویچ گامیگ نەنانە.
وتیش: هەرێم کوردستان لە حکومەت و سەرکردایەتی سیاسی کار خوەی جیوەجی کرد لە نزیکەوکردن ناوەین دوو لایەن، و لە فرە قۆناغەیل ترەک ئاشتی ڕۆڵ خوەی رانیە، و لە بانانیش هەر وەیجویرە مینێد.
هەمیش وت: هیمان چەن چشتیگ نادیار مەنیە لەلای ئەو لایەنەیلە کە دانوسەنین کەن، وەتایبەت لەبان چوینیەتی جیوەجیکردن چەکداناین، کەی و لەکوو بوود، بڕوا کەن جاری باسکردن فرەیگ مەنیە.
وەرجە هەفتەیگ، فوئاد حسێن وەزیر دەیشت عراق وت: ئەوەسا هاوکاری ناوەین بەغداد و هەولێر و ئەنقەرە بوود ئەرا داناین چەک پەکەکە، کە وەی دویاییە هەڵوەشیان خوەی راگەیان.
