هەولێر لیستەیل مووچەی ئاب و راپۆرت وەدویاچگن دارایی ئەرا مانگ تەمموز وەرەو بەغداد کل کەێد
شەفەق نیوز - هەولێر
تیم هونەری وەزارەت دارایی و ئابووری لە هەرێم کوردستان، ئمڕوو یەکشەممە، لیستەیل مووچەی فەرمانبەرەیل و وەرگرەیل شایستەیل ئەرا مانگ ئاب/ ئۆگۆست ئیسە وە شیوەیگ فەرمی رادەس فەرمانگەی ژمێریاری لە وەزارەت دارایی فیدراڵی لە پایتەخت بەغداد کرد.
وەزارەتەگە لە بەیاننامەیگ کە رەسیە ئاژانس شەفەق نیوز، دیاری کرد، کە رادەسکردن لیستەیل وەگەرد پیشکەشکردن راپۆرت وەدویاچگن دارایی ئەرا مانگ تەمموز/ یۆلیۆی گوزەشتە ئەرا لایەنە پسپۆڕەیل لە وەزارەت دارایی عراقی بۊە، وە ئامانج تەواوکردن رێکارەیل وەشکین و پەلەکردن لە خەرجکردن شایستە داراییەیل ئەرا فەرمانبەرەیل هەرێمەگە.
وەپای ئەو رێککەفتنە کە ئیمزا کریاگە ناوەین هەولێر و بەغداد، بایەسە حکومەت هەرێم کوردستان داهاتە داراییە نەفتی و نانەفتییەیل بەێدە دەس بەغداد، لە وەختیگ حکومەت فیدراڵی پابەند بوود وە دابینکردن شایستە داراییەیل ئەرا هەرێم، وە تایبەت مووچەیل مانگانە.
