هەولێر یاد وەسێدارەدان ژنە خەباتکاریگ کورد فەیلی کەێد (وینە)

شفەق نيوز/ ماڵ کورد فەیلی، لە هەولێر پایتەخت هەرێم کوردستان، دویەکە شەممە، پەنجا و یەکەمین ساڵیاد وەسێدارەدان خانمە خەباتکار کورد فەیلی لەیلا قاسم کرد.

پەیامنێر ئاژانس شەفەق نیوز وت: ساڵیدەگە وە ئامادەبوین کەسوکارەیل شەهید لەیلا قاسم و شمارەیگ لە میوانەیل وەڕیەو چگ، کە چەن کار و چالاکییگ وەخوەی دی.

پەیامنێرمان وتیش: لە ساڵیادەگە، وتار پیشوازیکردن لە میوانەیل پیشکەش کریا، و ئایەتەیلیگ لە قورئان، ئیجا ماڵ فەیلی وتار خوەی وەی بوونە پیشکەش کرد، دویای ئەوە وتار و شعرەیلیگ پیشکەش کریان کە رووشنایی خستنە بان ژیاننامە ز خەبات لەیلا قاسم.

لەیلا قاسم، خانمە سیاسەتمەدار کورد فەیلی، لە 27 كانون دویەم/ يەناير ساڵ 1952، لە شار خانەقین لەداڵگبوی، و لە سەرتای هەفتایەیل سەدەی گوزەشتە وەگەرد پارت دیموکرات کوردستان چالاک بوی.

لەیلا قاسم، لە ساڵ 1971 دەسکردە خوەنەواری لە کۆلێژ ئاداب لە زانکۆی بەغداد لە بەش کۆمەڵایەتی، و لە 29ی نيسان/ ئەپريل ساڵ 1974 وەلایەن حکومەت عراق دەسگیر کریا، و لە 12ی ئايار / مايۆ لە ساڵ 1974 لە سێدارە دریا.