هیزگردن ئاگر لە کۆمەڵگەیگ نیشتەجیبوین لەناوڕاس سلێمانی
2023-12-30T08:45:27+00:00
شەفەق نیوز/ سەرچەوەیگ ئاگادار، شەوەکی ئمڕوو شەممە، خەوەردا لە هیزگردن ئاگر لەناو یەکیگ لە کۆمەڵگەیل نیشتەجیبوین لەناوڕاس سلێمانی وەبی ئەوەگ هووکار ئاگرەگە بزانن.
سەرچەوەگە وە ئاژانس شەفەق نیوز وت، لە ساعەت9:55 شەوەکی ئمڕوو ئاگریگ هیزگردیە لەناو قات 12ی یەکیگ لە بینایەیل نیشتەجیبوین لە کۆمەڵگەی "نەورۆز ستی" کەفێدە نزیک بینای پارێزگار سلێمانی.
قسەکەر فەرمی وەڕێوەبەرایەتی شارستانی ئارام عەلی لە بەیانیگ وە ئاژانس شەفەق نیوز وت، هووکار هیزگردن ئاگرەگە تا ئیسە نادیارە تیمەیل بەرگیری مەدەنی کۆنترۆل ئاگرەگە کردنە.
دووپاتکرد، بڕ زەردەیل رویداوەگە تەنیا مادیە، هویچ زەردیگ گیانی توومارنەکریایە، لێکۆڵینەوە لە رویداو ئاگرەگە وازکریایە.
