نێچیروان بارزانی و شەرع دووپات لە گرنگی خەسەوکردن هەوڵە دیپلۆماسییەیل کەن ئەرا وسانن جەنگ لە ناوچەگە
شەفەق نیوز - هەولێر
سەرۆک هەرێم کوردستان نێچیروان بارزانی، و سەرۆک سووریا ئەحمەد شەرع، دووپات لە پێویستی وەردەوامبوین لە خەسەوکردن هەوڵە دیپلۆماسییەیل کردن کە ئامانجیان وسانن ئەو جەنگەسە کە ناوچەگە لە ناونیان ویلایەتە یەکگرتگەیل ئەمریکا و ئیسرائیل لە لاییگ، و ئیران لە لاییگ ترەو وەخوەی دوینێد.
وەپای بەیاننامەیگ لە سەرۆکایەتی هەرێم، ئیوارەی دویەکە دووشەممە، سەرۆک نێچیروان بارزانی پەیوەندییگ تەلەفۆنی لە شەرعەوە وەپی رەسی و لەناوی هەر دوولا هویروڕا دەربارەی بارودۆخ ناوچەگە و دویایین پێشهاتەیل جەنگ و لێکەفتەیلی ئاڵشتکڕدن.
لەو باوەتەو، هەر دوو سەرۆک دووپات لە گرنگی خەسەوکردن هەوڵە دیپلۆماسییەیل کردن ئەرا وسانن جەنگ و چارەسەرکردن گیچەڵەیل وە ریەیل ئاشتییانە.
لەباوەت وە بارودۆخ هەرێم کوردستان و عراق، دووپات لە گرنگی پاراستن ئاسایش و سەقامگیری کریا، لەی چوارچمگە، سەرۆک شەرع ئەو پەلامارەیلە کە کریەنە بان هەرێم کوردستان شەرمەزار کرد.
وەپای بەیاننامەگە، رەوش کورد و پێکهاتەیل لە سووریا، و پەیوەندییەیل سوریا وەگەرد عراق، وەگەر چەن پرسیگ تر هاوبەش، تەوەریگ تر پەیوەندییە تەلەفۆنییەگە بوی.
