نێچیروان بارزانی وەگەرد فەرماندەی هیزەیل هاوپەیمانی باس نووەوبویەیل ئەمنی و دژایەتی داعش کەێد
شەفەق نيوز/ نێچیروان بارزانی سەرۆک هەرێم کوردستان، ئمڕوو چوارشەممە، چەوی کەفتە ژەنیڕاڵ کیڤن لیهی فەرماندەی هیزەیل هاوپەیمان ناودەوڵەتی لە عراق و سوریا.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: دیدارەگە وە ئامادەبوین قونسوڵ گشتی ئەمریکا لە هەرێم کوردستان وەڕیەو چگ، کە هەردوگ لایەن باس لە نووەوبویەیل ئەمنی لە عراق و سوریا کردن، و ئەو هەڕەشەیل وەردەوامە کە ریخریاگ داعش تیرۆرست لەبان ئاسایش و ئارامی ناوچەگە دروسی کەێد.
بەیانامەگە وتیش: هەردوگ لایەن دووپات لە گرنگی وەردەوامی هاوکاری و هاوبەشی ناوەین هەرێم کوردستان و هاوپەیمان ناودەوڵەتی کردن، وەگەرد هەماهەنگی وەرد حکومەت فیدراڵی عراق ئەرا نواگیریکردن تیرۆر و پاڵپشتیکردن توانایەیل هیزەیل ئەمنی.
وەگورەی سەرۆکایەتی هەرێم کوردستان، لە دیدارەگە باس باوەتەیلیگ کریا پەیوەندی وە چاکسازیی وەزارەت کاروبار پیشمەرگە کریا، و هەماهەنگکردن تەقەلایل ناوەین دامودەزگایل هەرێم کوردستان و هیزەیل هاوپەیمانی، وەگەرد باسکردن لە شیوەیل فراوانکردن ئاسووەیل هاوکاری هاوبەش ئەرا مسۆگەرکردن ئاسایش و ئارامییگ درویژماوە لە ناوچەگە.
