نێچیروان بارزانی: هەرێم کوردستان وە جەو گرنگیگ نوڕێدە پەیوەنی مێژوویەیلی وەرد ئیران
شەفەق نیوز ـ هەولێر
سەرۆک هەرێم کوردستان، نێچیروان بارزانی، ئمڕوو سێشەممە، چەویکەفت وە شاندیگ ئیرانی وە سەرۆکایەتی رەزا رەحمانی، سەرۆک حکومەت ناوخوەیی پارێزگار ئازەربایجان خوەرئاوا.
سەرۆکایەتیەتی هەرێم لە بەیاننامەیگ راگەیان، لە دیدارەگە رەحمانی سەلام و رێز مەسعود پزیشکیان سەرۆک کۆمار ئیسلامی ئیران رەسان وە سەرۆک نێچیروان بارزانی، و دووپاتکرد لە ئەزرەت وڵاتەگەی لە ئەوزەڵداین پەیوەنیەیل وەرد هەرێم کوردستان.
وەپای بەیانامەگە، هەردووگ لا دەسخوەشی لە ئاست پەیوەنیەیل و هاوکاری هاوبەش ناوەین پارێزگای ئازەربایجان خوەرئاوا و پارێزگایهەولێر کردن، و رێککەفتنەیل ناوەین هەرددووگ لا لە مژارەیل چالاکی هامشو بازرگانیەیل و ئاسانکاری رەدبوین گەشتیارەیل و زیارەتکەرەیل ئاینی ئەرا باشوور عراق لە ری هەرێم کوردستانەو.
لای خوەیشەو سارۆک نێچیروان بارزانی سەلام و رێز خوەی رەسانە سەرۆک پزیشکیان، و دووپاتکرد کە هەرێم کوردستان وە چەو گرنگەو نوڕێدە پەیوەنی مێژوویەیل وەرد کۆمار ئیسلامی ئیران، و هیوای ئەوزەڵکردن و قویڵەوکردن پەیوەنیەیل و هاوکاری هاوبەش لە مژارە جیاوازەیل خوازێد.
لە کووبونەوەگە، کە پارێزگار هەولێر ئامادەبوی، شمارەیگ بیرۆکە و پێشنیار خسەرووی لەباوەت میکانیزم ئەوزەڵداین جموجویلەیل بازرگانی و ئاسانکاری هامشوو گواستنەوە لەری دەوازەیل سنووری، وەپای بەیاننامەگە.
