نێچیروان بارزانی رەسێدە ئوردن

شەفەق نيوز/ نێچیروان بارزانی سەرۆک هەرێم کوردستان، نیمەڕو ئمڕوو یەکشەممە، وە سەردانیگ فەرمی، رەسیە عەممان پایتەخت ئوردن.

شەوەکی ئمڕوو، سەرۆکایەتی هەرێم کوردستان راگەیان کە نێچیروان بارزانی سەرۆک هەرێم کوردستان ئەوەسا لەی سەردانە وەگەرد شاه عەبدولڵا سانی بن حوسەین گردەو بوود، و وەگەردی باس پاڵپشتیکردن پەیوەندییەیل دووانی و هاوکاری هاوبەش ناوەین عراق و هەرێم کوردستان و ئوردن کەێد.

بەیانامەگە وتیش: ئەوەسا نێچیروان بارزانی چەن گردەوبوین و دیداریگ وەرد شمارەیگ لە گەورە لە ئوردن ئەنجام دەێد.