نێچیروان بارزانی داوای دەرکردن یاسای نوویگ ئەرا داواکاری گشتی و دادوەری لە کوردستان کەێد
ئەوەیش لە وتاریگ هات کە لە مەوقەی دەرچین چین چوارەم پەیمانگای دادوەری پیشکەشی کرد کە ٦٠ دادوەر و داواکار گشتی لە هەرێم کوردستان لەناوی بوی.
نێچیروان بارزانی، سەرۆک هەرێم کوردستان راگەیان؛ یاساگە وە دادوەر بەخشیەێد کە ئازا بوود، و بایەسە دادوەر دیکتات و سڵای لایەنەیگتر لەبانی رەت بکەێد، وتیش: بایەسە هاووڵاتیەیل هەس وە دڵنیایی بکەن وە یاسایل، یەیش سەرکەفتن دەسەڵات دادوەری پشتڕاس کەێد.
و زوور لەبان گرنگی ریگریکردن لە سەرپێچی یاسایل کرد و وت: مقیەتیکردن یاسایل و ریگریکردن لە پێشێلکارییەیل کەفێدە گەردن گشت لاییگ، وە سەرۆکایەتی هەرێم کوردستان، کە وەرد دەسەڵات دادوەری لەی رویەو وسیەێد.
سەرۆک هەرێم کوردستان وتیش: ئیمە نیەوشیمن هویچ گیچەڵیگ لە هەرێم کوردستان نییە، هەرلیوا نیەوشیمن کە: کارەیل بە پلەی فرە هویردیگ وەرەو نووا چن، بەڵام تەحەددای وەردەم دەسەڵات دادوەری هەس کە بایەسە زاڵ بوود.
نێچیروان بارزانی، قسەیلی ئەرا دەرچگەیل دەسەڵات دادوەری و داواکاری گشتی کرد و وت: ئیمە ئیرادەیگ جددی و قایم دیریمن تا یاسا زاڵ بوود، و گام وە گام هاوکاریمن وەگەرد ئیوە ئەرا ئەوەگ بتوەنیمن یاساگە زاڵ بکەیمن، و ری وە هەر لایەنیگ نیەیمن یاساگە بشوینێد”.
وتیش "بایەسە پرۆژەی نوویگ ئەرا داواکاری گشتی و دەسەڵات دادوەری لەکوردستان دانریەێد، ئەرا ڕێکخستن هەیکەل کارەیلیان، هەرلیوا ئەرا پێشنیاز یاساگە پیشکەش پەرلەمان کوردستان بکریەێد تا یاسا ئەرای بنەیمن ".
