نێچیروان بارزانی پاڵپشتی تەواو خوەی ئەرا مافەیل کراکارەیل کوردستان دووپاتکەێد
شەفەق نیوز/ سەرۆک هەرێم کوردستان نێچیروان بارزانی، ئمڕوو پەنجشەممە، پیرۆزبایی لە کراکارەیل کوردستان و عراق و جەهان کرد وەبوونەی یەک ئایار، رووژ جەهانی کراکارەیل، رهنج و کوشان و شەکەتییان لە بونیاتنان و ئاوەدانکردن و بەشداریى كارا و بنەڕەتیان لە پیشخستن و ئەوزەڵکردن وڵات بەرزنرخان.
بارزانی لە بەیاننامەیگ رەسیە ئاژانس شەفەق نیوز دووپاتکرد لە پاڵپشتی تەواوی ئەرا ماف کراکارەیل و داواکاری رەوایەیلیان لە هەرێم کوردستان، و دووپاتکرد لەبان گرنگی دابینکردن ژینگەی کار بیوەییگ، جیوەجیکردن یەکسانی لە دەرفەت کار، و رێکخسن پەیوەنی ناوەین کراکار و سەرپەشت کارەگە وەجویریگ شکۆی کراکارەیگ پیارێزێد و دەسمیەتیەیل ژیان ئەرایان دابین بکەێد.
هەر وەی بوونەو، وە رێزەو ئەو کراکارەیلە تیاریمنە هویر کە لەمەوقەی کار گیان لەدەسدانە و دووپاتکرد کە لایەنەیل پەیوەنیدار بایەت چەودێری خێزانەیلیان بکەێد و گشت پشتیوانی و دەسمیەتی پێویست ئەرایان فەراهەم بکرێد.
بارزانی لە کۆتایی وت: هیوای هچانیگ ئارام و ئاسوودە ئەرا گشت کراکارەیل و سەرکەفتن لە تەقەلا و خەباتیان ئەرا دەستەوەرکردن مافەیلیان خوازم.
