لەوەر تووپخانەی تورکیا.. هیزگردن ئاگر لەناو باخ و دارستانەیل باکوور دهۆک

شەفەق نيوز/ وەچەودیەیلیگ لە ئاوای برجی سەروە قەزای ئامێدی باکوور پارێزگای دهۆک، ئمڕوو سێشەممە، خەوەردان لە هیزگردن ئاگر لەناو باخ و دارستانەیل دەورگرد ئاوایەگە.

وەچەودیەیل ئەرا ئاژانس شەفەق نیوز وتن: لە دویەشەوەو ئاگر لەناو بووسان و دارستانەیل دەورگرد ئاوای برجی لە قەزای ئامێدی هیز گرێد، لە ئەنجام تووپواران تورکیا لە ناوچەگە.

وتنیش: ئاگرەگە پەسا وڵاوەو بوود، وەگەرد رخ رەسین ئاگر وەرەو چەرداخەیل و تەویلەیل و لەوەڕەیل ئاوایەگە.

 دیاری کردن کە خەڵک ناوچەگە و تیمەیل وەرگری شارستانی کەفتنەسە سەختی لە کپەوکردن ئەو ئاگرە، لەوەڕ رەوشە ئەمنیە سەختەیل لە گشت قەزاگە.

جی باسە کە ناوچە کویەیلەی قەزای ئامێدی وەتایبەت لەبان سنوور وەرد تورکیا، یە دەیان ساڵە زیان لە کاریگەرییەیل جەنگ ناوەین پەکەکە و هیزەیل تورکیا وەخوەیان دوینن.