لەماوەی 2025 تونوتیژی دژ پیایەیل وەشیوەی وەرچەو بەرزەوبوود لە هەرێم کوردستان
شەفەق نیوز/ یەکێتی پیایەیل کوردستان ئاشکرایکرد بەرزەوبوین بی وینەیگ لە حاڵەتەیل تونوتیژی خێزانی و خوەیکوشتن و کوشتن وەرانوەر پیایەیل لەماوەی چوار مانگ یەکەم ساڵ 2025 وەدیکریاس، لە پەیمانەیگ رخدارە کە ڕەنگدانەوەی ئەوزەڵکردن نائارامی کۆمەڵایەتی و قەیرانە ئابوورییە وەردەوامەیلە لە هەرێم کوردستان.
لە بەیاننامەیگ ئەرا ئاژانس شەفەق نیوز، بورهان فەرەج، وەرپرس یەکێتی پیایەل کوردستان راگەیان، 194 داد لە تونوتیژی خێزانی وەلایەن پیاوەیل توومارکریاس لە ناوەین سەرەتای ساڵ تا 1ی ئایار دووپاتکرد شمارەگە زیایبوین وەرچەویگ نیشاندەێد بەراورد وە ساڵەیل وەرین.
وتیش؛ ئامارەیل فەرمی 23 حاڵەت خوەکوشتن پیایەیل توومارکردیە، بیجگە لەوەگ پەنج حاڵەت خوەیکوشتنەیل چوودەو ئەرا گیچەڵەیل خێزانی و وردەوردە، دیاریکرد ئێ نیشانەیلە "ڕەنگدانەوەی بەرزەوبوین رخداریگە لە ئاست توندوتیژی خێزانی کە هەڕەشە لە سەقامگیری کۆمەڵگا کەێد".
لەباوەت هووکارەیل ئێ بەرزەوبوینە، بورهان فەرەج ئاشکرایکرد، "ئەو گۆڕانکارییە خێرایەیلە لە کۆمەڵگەی کوردی رویدەن، هاوشان وەرد ئەو قەیرانە داراییە وەردەوامەی کە هەرێم گردیە، لە دیارترین هووکارەیل پشت بەرزەوبوین تونوتیژی دژ پیاوەیلن". دووپاتیشکرد چارەسەرنەکردن ریشەیی تونوتیژییەیل لە ساڵ ئایندە قەیرانەگە گەپتریەو کەێد.
دیاریکرد، "پیایەیلیش هەر جویر ژنەیل بوونەقوربانی تونوتیژی خێزانی، لەوەر نەوین بەرامەی هووشیاریکدن و پاڵپشتی دەروینی و کۆمەڵایەتی" دپاتکرد لە "بەرزەوبوین وەرەویگ لە رێژەی جیاوەبوین لە ماوەی مانگەیل کۆتاییە، کە وە ناسکی پێکهاتەی خێزان لە هەرێم دانرێد".
سەرۆک یەکێتی پیایەیل کوردستان داوا لە لایەنەیل حکومی و رێکخریاگەیل مەدەنی کەێد "سیاسەتیگ دەسوەجی دابنەن ئەرا چارەسەرکردن ئێ دیاردە کۆمەڵایەتی رخدارە، لەڕی رووشنهویرکردن کۆمەڵایەتی و پاڵپشتی دەروینی و دانان چارەسەریگ ئابووری کە پەستان لەبان خێزانەیل هەرێم کەمەوبکەێد".
