لە ماوەی دوو رووژ لە جەژن.. 36 زەخمداری و3 مردن لە سلێمانی
شەفەق نيوز/ شار سلێمانی، چەن رویداوەیگ جیاجیا لە یەکەم رووژەیل جەژن توومار کرد، كە بوینە مدوو زەخمداری دەیان کەس، و هیمان بەشیگیان هانە خەسەخانە.
وەڕیەوبەر ناوەند فریاکەفتن زویوەزوی لە سلێمانی، سامان نادر، لە بەیاننامەیگ رەسیە ئاژانس شەفەق نیوز راگەیان کە لە یەکەم رووژ جەژن رەمەزان زەخمداری 23 کەس توومار کریا، و شمارەی زەخمدارەیل لە دویەم رووژ 13 کەس بوی.
نادر وتیش: بڕیگ لەو زەخمداریلە هیمان لە خەسەخانەیل خەفتنە، وەتایبەت ئەوانەگ زەخمییان سەختە، کە هاتی تا ماوەی دوو ھەفتە لە خەسەخانە بمینن.
نادر دیاری کرد کە یەکەم رووژ جەژن بەرزەوبوین وەرچەویگ لە رویداوەیل هاتوچو توومار کرد، کە بویە هوکار کوشیان سێ کەس.
ئی رویداوەیلە جیوەجیکردن گرنگی ریکارەیلیگ سەختتر نشان دەن ئەرا کەمەوکردن زەخمدارەیل، وەتایبەت لە رووژەیل جەژن کە جویلە و هامشوو مەردم فرەو بوود.
هەرلیوا، دوو کەس گیانیان لەدەسدان و دوو کەسیش زەخمدار بوین لە ئەنجام رویداویگ هاتوچو، نیمەڕو ئمڕوو، لەبان ری پێنجوێن، وەگورەی قسەی کەسەیلیگ لە وەچەودیەیل.
