لە ساڵیاد شووڕش "گوڵان".. نێچیروان بارزانی: گەل کوردستان ئامادەس ئەرا گشت قوربانییگ ئەرا مقیەتیکردن ئازادی خوەی
شەفەق نيوز/ نێچیروان بارزانی سەرۆک هەرێم کوردستان، ئمڕوو دووشەممە، شووڕش "گوڵان" جویر درویژەداینیگ وە شووڕش "ئەیلوول مەزن وە سەرکردایەتی بارزانی نەمر" زانست، جویر نموونەیگ ناوازە ئەرا ئیرادەی گەل، و جاریگ ترەک چەسپان کە خوەی ئامادەس ئەرا پیشکەشکردن گشت قوربانیەیل ئەرا مقیەتیکردن بویین و ئازادی خوەی.
نێچیروان بارزانی لە بەیاننامەیگ وەبوونەی ساڵیاد شووڕش کۆڵان وت: وەگشت سەربەرزی و شانازییگەو یاد ئەو شەهیدەیل نەمرە کەیمن و گشت ئەو پاڵەوانەیل و قوربانیدەرەیلە کە گیان و خوین خوەیان ئەرا ئازادی لەناوی ئی شووڕش مەزنە پیشکەش کردن.
وتیش: شووڕش گوڵان جویر درویژەداینیگ ئەرا شووڕش گەورە لە ئەیلوول وە سەرکردایەتی بارزانی نەمر، نموونەیگ ناوازە بوی ئەرا ئیرادەی گەل کە رووژیگ وە ستەم و داگیرکاری رازی نەوی، و لە شووڕش گوڵان، گەل کوردستان دووارە دووپات کرد کە ئامادەس ئەرا قوربانیکردن وە گشت چشتیگ ئەرا وەرگریکردن لە بویین و ئازادی خوەی.
سەرۆک هەرێم کوردستان دووپاتیش کرد کە ئەرک گشتیە مقیەتی میراتی شەهیدەیل و دەسکەفتەیل دەستووری و فیدڕاڵی بکەێد، و لەو ریە وەردەوام بویمن کە وە گیانیگ لە یەکێتی و هاوکاری بڕینەی، با یاد شووڕش گوڵان بوودە هاندەریگ گەورەتر ئەرا ئیمە وەرەو یەکگردن و کارکردن هاوبەشانە وەخاتر بانانیگ خاستر.
