کەشناسی هەرێم کوردستان...وەفر و واران دەسوەپی کەێد
2023-01-27T09:03:15+00:00
شەفەق نیوز/ وەڕێەوبەرایەتی گشتی کەشناسی و زەویلەرزەی هەرێم کوردستان، ئمڕوو جومعە، مەزەنەی کەشوهەوای 48 ساعەت ئایندە راگەیان.
وەڕێەوبەرایەتیەگە لە بەیاننامەیگ رەسیە ئاژانس شەفەق نیوز راگەیان، ئمڕوو جومعە ئاسمان نیمچە ئەورە لە ناوچە کویەیلە ئەور تەواویگە، پلەی گەرما 1-2 پلە داوەزین وخوەی دوینێد.
لەباوەت کەشوهەوای سوو شەممە راگەیان، ئاسمان نیمچە ئەورە ئاڵشتبوود ئەرا ئەور تەواو وەگەرد وارین پرزە واران هەمیش دەسکەێدە وەفر وارین لە ناوچە کویەیلە سەرەتا لە ناوچەیل خوەرئاوای هەرێم دویایش فرەیگ لە ناوچە جیاوزەیل هەرێم گرێدەو لە دیر وەخت شەو کاریگەرین وارین فرەترەو بوود.
بەرزترین پلەی گەرمای مەزەنە کریاگ وە پله‌ی سیلیزی :
هه‌ولێر : 12 پله‌ی سیلیزی
سلێمانی : 10 پله‌ی سیلیزی
دهۆك : 10 پله‌ی سیلیزی
كه‌ركوك : 14 پله‌ی سیلیزی
هه‌ڵه‌بجه : 9 پله‌ی سیلیزی
زاخۆ : 11 پله‌ی سیلیزی
سۆران : 8 پله‌ی سیلیزی
گه‌رمیان : 15 پله‌ی سیلیزی.
