کەشناسی مەزەنەی واران و داوەزیان پلەی گەرمی کەێد

دەسەگە لە بەیاننامەیگ رەسیە ئاژانس شەفەق نیوز راگەیان، "ئمڕوو ئاسمان نیمەئەورە گاجاریگ ئاڵشتبوود ئەرا ئەور تەوەو، لەوەختەیل نیمەڕوو هاتێ واران بوارێد وەرد بەڵاچە وە تایوەت لەناوچە کویەیل سنووری لەناوچەیل ترەک هاتێ پرزە واران بوارێد، لەئەنجام بەرزەوبوین تونی وا هاتێ کەمیگ تەپوتوز  دروسبوود و پلەی گەرمی دوو تا چوار پلە داوەزیان وەخوەی دوینێد".

ئاشکەرایکرد، "سوو پەنجشەممە ئاسمان لە فرەیگ ناوچەیل نیمەەورە لەوەخت دویانیمەڕوو لەناوچە کویەیلەی پارێزگای دهۆک هاتێ نمە واران کەمیگ بوارێد، و پلەی گەرمی نزیکە لە توومارەیل ئمڕوو".

بەرزترین پلەی گەرمی مەزەنەکریاگ وە پلەی سیلیزی:

هەولێر : 31

سلێمانى: 26

دهۆک  : 30

 زاخۆ  : 31

هەڵەبجە : 26

کەرکوک: 33

سۆران : 30

حاجی ئۆمەران: 16

گەرمیان : 37