شاندیگ پایەبەرز لە پارتی سەردان کەرکوک کەێد ئەرا باسکردن لە هاوسەنگی سیاسی
شەفەق نيوز- كەركوك
شاندیگ پایەبەرز لە پارتی دیموکراتی کوردستان، ئمڕوو دووشەممە، سەردان پارێزگای کەرکوک کرد، ئەرا باسکردن لە بانان پارێزگاگە و هاوسەنگی سیاسی لەناوی.
محمد سەمعان ئاغا سەرۆک بەرەی تورکمانی عراقی، و سەرۆک لیست تورکمان عراق یەکگردگ، پیشوازی لە شاند پارتی کرد وە سەرۆکایەتی هیوا ئەحمەد مستەفا ئەندام مەکتەب سیاسی و وەرپرس پرس کەرکوک، و وەبەشداریکردن محمد کەمال وەرپرس لق سێ لە کەرکوک و شمارەیگ لە سەرکردەیل حزبی.
دیداریان وە ئامادەبوین هشام بەیرەقدار جیگر سەرۆک بەرە، و ماردين كوك قايا و سەوسەن جەدوع، ئەندام مەکتەب سیاسی لەبەر و ئەندام ئەنجومەن پارێزگای کەرکوک.
لە دیدارەگە شاند پارت دیموکرات کوردستان پیرووزبایی لە محمد سەمعان ئاغا کرد وە بوونەی وەرگردن سەرۆکایەتی بەرەی تورکمانی، و ئافەرین لە رۆڵ نەتەوەیی و نیشتمانی کارای کردن لە سیمای سیاسی عراق.
لە دیدارەگە باسکردن قویلیگ کریا لەبان رەوشەیل پارێزگای کەرکوک، و هەردوگ لایەن دووپات لە گرنگی بەرزکردن زوان لەیەکفامسنن و گفتوگۆ ناوەین پیکاتەیل کردن، وەشیوەیگ مقیەتی هاوسەنگی بکەێد و نەیلێد خوازینەیل تاکانە بچەسپیەن.
هەردوگ لایەن باس نارەزاییان لەوە کردن کە وەپی ئویشن"حكومەت ئوتێل رەشید"، دووپاتیش کردن کە هەر پڕۆژەیگ سیاسی پشت وە ئیرادەی راسگانی خەڵک کەرکوک نەوەسێد نە شەرعیەت دیرێد نەیش بانان.
ئامادەبویەیل دووپات لە گرنگی گلەوداین پەیوەندیەبل سیاسی ناوەین لایەنەیل لە بەغداد و هەولێر، لە بنەمای هاوبەشی و رێزگردن وەرانوەری، دویر لە دویرەوخستن یا نوینەرایەتیکردن شیوەیی.
لەلای خوەییش، محمد سەمعان ئاغا وت: بەرەی تورکمانی چگە وەرەو دووارە دروسکردن ئامادەبوین سیاسیی ەەکەرەی نووڕینیگ یەکخریای کە نوینەرایەتیی راسگانی ئەرا تورکمان لە بنکەیل بڕیار مسۆگەر بکەێد، و باس لە ئیرادەی جادەی تورکمانی بکەێد کە رازی وە پەراویزخستن و پارچەکردن نییە.
