سێ مردن و زیاتر لە ١٢٠٠ تۊشهاتن وە کۆرۆنا لە هەرێم کوردستان

شەفەق نیوز/ وەزارەت تەندروسی لە هەرێم کوردستان، ئمڕوو یەکشەممە، خەوەردا لە مردن 3 تۊیشبۊی ڤایرۆس کۆرۆنا لە هەرێم کوردستان  لەماوەی ٢٤ ساعەت گوزەشتە وەگەرد توومارکردن 1202 تۊیشبۊی نوو ک نوقڵانە وە بەرزەوبۊین پسای تۊیشبۊین پەتاگە دەێد.  

وەزارەتەگە لە بەیاننامیگ رەسییە ئاژانس شەفەق نیوز وت:  لەماوەی ٢٤ ساعات گوزەشتە 6920 وشکین ئەنجام دریایە لەو ماوە ١٢٠٢تۊیشهاتن نوو دەرچگە. 

دیاری کرد، شمارەی  خاسەوبۊیەیل لەو ماوە رەسیە 104 خاسەوبۊین وەرانوەر  مردن 3 تۊیشبۊی. 

لە بەیاننامەی وەزارەتەگە جەم شمارەی گشتی لەماوەی بڵاوبۊین پەتاگە لە هەرێم تا ئیسە ئاشکەرا کرد وت؛ 21871 کەس کەرەنتین کریانە، و 3737672 وشکین ئەنجام دریایە دەرچگە 388565 کەس تۊیشهاتنە، و 373831 خاسەوبۊینە و 7571 هانە ژیر چەودێری پزشکی و 7163 گیان لەدەس دایە لەوەر نیشانەیل ڤایرۆسەگە لە گشت ناوچەیل هەرێم.