سەرۆک هەرێم کوردستان پیرووزبایی لە ئێزدیەیل کەێد وەبوونەی رووژگگردن (ئێزی)
2023-12-15T07:33:34+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو جمعە، پیرووزبایی لە ئێزدیەیل کرد و بوونەی جەژن رووژگگردن (ئێزی)
سەرۆک نێچیروان بارزانی لە بەیاننامەیگ وەی بوونە وت: پیرووزبایی گەرممان وەی بوونە لە بەڕێزەیل شازادەی ئێزدیەیل و ئەنجومەن رووحانی و خوەشک و برا ئێزدیەیل لە کوردستان و عراق و لە گشت شوینەیل جەهان کەیمن وە بوونەی جەژن رووژگگردن ئێزی، و ئومید خوازم جەژنیگ پڕ لە خوەشی و ئارامی و ئاشتی وەسەر بوەن.
وتیش: وەی بوونە دووارە دووپات ئەرا خوەشک و برا ئێزدیەیل کەیمن کە هەر جویر خوەمان مینیمن وە پشتگیریکردن و مقیەتیکردن مافیان، و دووپات کرد کە گشت رەنجمان ئەرا دووارە ئاوەدانکردن ناوچەیلیان دویمن، و هەر کوردستان وڵاتیگ ئەرا وەیەکەوژیان گشت پیکاتەیل بمینێد.
