سوپای تورکیا رمانن ئەشکەفتیگ پەکەکە لە هەرێم کوردستان راگەیان
2025-07-14T16:17:11+00:00
شەفەق نیوز ــ ئەنقەرە
وەزارەت وەرگیری تورکیا، ئمڕوو دووشەممە، راگەیان ئەشکەفتیگ رماننە کە پەکەکە لە هەرێم کوردستان وەکاریهاوردیە.
وەزارەتەگە لە پۆستیگ لەبان تووڕ "ئێۆس" راگەیان، ئەشکەفتەگە ل 33 وتاق پێکهاتیە کە درویژیەگەی رەسێدە 1800 مەتر".
وتیش؛ " دەگیریاسوەبان بڕ گەپیگ لە چەک و ئەمارکریاگەیل و کەرەستەیل ناو ئەشکەفتەگە وەرجە ئەوەگ وە تەواوی بڕمننێ".
ئێ راگەیاننە چەن رووژیگ لەدویای رووژ جومعە هات کە وە دەیان چەکدار پەکەکە لە ئەشکەفت جاسەنە لەناوەین دۆکان و سلێمانی ئاگر وەردانە چەکەیلیان، یەیش گامیگ سەرەتایی بوی ئەرا دانان چەک و کۆتاییهاوردن وە ئۆپراسیۆنەیل سەربازی و بەشداریکردن لە چالاکی سیاسیەیل لە تورکیا.
