سلێمانی.. قەرەباڵغ گەورەیگ لە وەردەم بانک TBI ئەرا وەرگردن کارت "هەژماری من" (وینە)
شەفەق نيوز/ چواردەور بانک TPI لە سلێمانی، شەوەکی ئمڕوو سێشەممە، هاتن هاوڵاتیەیل فرەیگ وەخوەی دی، لە سیمایگ زویکرن فەرمانبەرەیل نشان دەێد ئەرا تەواوکردن ریکارەیل وەرگردن کارتەیلیان لە سیستەم "هەژماری من"، وەرجە تەواوبوین دەرفەت فەرمی کە لە لایەنەیل پەیوەندیدار ئاشکرا کریاس.
کامیرایل ئاژانس شەفەق نیوز گردەوبوین بڕەیل فرەیگ لە مەردم لە وەردەم بینای بانک TPI توومار کردن، کە پەیامنێر ئاژانسەگەمان وت: فرەی ئەو کەسەیلە کە گردەو بوینە هاتنە ئەرا وەرگردن کارتەیل سیستەم هەژماری من، و کەسەیلیگ هاتنە تا لیستەیل توومارکردن وەربگرن.
نورەدین وەلی، یەکیگە لەو فەرمانبەرەیلە کە لە ئیدارەی گەرمیانەو هاتگە، ئەرا ئاژانس شەفەق نیوز وت: هەرلە شەوەکی زویەور رەسیمنە تا کارتەیل بگریمن، دویای ئاگدارکردمان٨اا بانگەو کە ریکارەیل تەواو بوینە.
وتیش: ئەوەیش تا مووچەی ئی مانگ ئایارە بگریمن، کە خەرجکردنی وەی کارتە بوود.
هاوڵاتییەیل وەردەوامن تا هاتن ئەرا بانکەیل لە جویراجویر ناوچەیل هەرێم کوردستان، وەگەرد داواکاری ئاسانکردن ریکارەیل و فراوانکردن ئاست خزمەتگوزاری، وەتایبەت وەرد نزیکەوبوین مۆنتێر ئەو دەرفەتە کە ئەرا تەواوکردن ریکارەیل وە فەرمانبەرەیل دریاس.
حکومەت هەرێم کوردستان سیستەم هەژماری من واز کرد ئەرا رێکخستن بەشەوکردن مووچەیل و بەرزکردن ئاشکرایی لە کاروبار دارایی، لە وەختیگ سەرچەوەیل ئاگادار وتن: وەزارەت دارایی ئەرکدار گشت فەرمانبەرەیل کرد وە پڕەوکردن لیستەیل سیستەمەگە وەرجە رووژ 27 ئی مانگە، ئەرا جیوەجیکردن بڕیارەیل دادگای فیدڕاڵی عراق، کە پەیوەندی وە یەکخستن میکانیزمەیل خەرجکردن مووچەیل لە ئاست وڵات.
