سزیان 5 زاڕوو لە یەک خێزان وە تەقیان تووپیگ ئاگرین لە هەولێر

شەفەق نیوز/  دویەشەو چوارشەممە لەبان پەنجشەممە،  لەئەنجام  هیزگردن ئاگر پەنج زاڕوو زەخمداربوین کە سێیانیان تەندروسییان ناجیگیرە.

مەموی زاروویەیل وەناو ئسماعیل مەحمود وە ئاژانس شەفەق نیوز وت، " پەنج زارووەگە برا و ئامووزان و تەمەنیان لەناوەین پەنج ساڵ و هەفت ساڵانن ماڵیان لە ئاوای (قەرەچوغانی) سەر لە خوەرئاوای هەولێرە، ئاگر لەناو ژووریگ لە ماڵەگەیان کردنەسەو و دویایی تووپیگ خستنەسە ناو ئاگرەگە و مادەی نەفت رشانەسە بانی بویەسە مدوو تەقیان تووپەگە و سزیان لەشیان".

وتیش؛ سێ لە زاروویەیل بارودۆخیان ناجیگیرە و دوانیان ئاسایین، دیاریکرد، ئەو سێ مناڵە بارودۆخیان ناجیگیرە رێژەی سزیانیان  80%، ئیرنگە هانە ژیر چەودێری پزیشک لە خەستەخانەی فریاکەفتن هەولێر.