زەخمداری کەسیگ وە گولەی ویڵ لەبان ری موسڵ - هەولێر

شەفەق نيوز- نەینەوا 

سەرچەوەیگ پزشکی لە تەندروسی نەینەوا، ئمڕوو چوارشەممە، خەوەردا لە زەخمداری کەسیگ مەدەنی وە گولەی ویڵیگ لەبان ری موسڵ - هەولێر.

 سەرچەوەگە ئەرا ئاژانس شەفەق نیوز وت: خەسەخانەی حەمدانیە لە پارێزگای نەینەوا، پیاییگ مەدەنی لە تەمەن 33 ساڵان وەرگرد، وە گولەی ویڵیگ لەبان ری ناوەین موسڵ و هەولێر لە ناوچەی کەلەک (خەبات) زەخمدار بویە.

 سەرچەوەگە دیاری کرد کە زەخمدارەگە شەو سێشەممە لە وەخت دیریگ رەسیە خەسەخانە، و زیان لە زەخمیگ وەخوەی دوینێد لە گولەی ویڵیگ، کە فریاکەفتن پزشکی ئەرای ئەنجام دریا، و هیمان لە ژیر چەودیاریکردن پزشکی خەفتیە.

ناوچەی خەبات لە پارێزگای هەولێر، یە دوو رووژە شیواشیو ئەمنی وەخوەی دوینێد، لە ئەنجام جەنگیگ هووزانە لەبان پارچە زەوییگ، تا رەسیە جەنگ و تەقەکردن وەرد هیزەیل ئاسایش کە ئەرا ناوجیکردن دەسدانەوەر.