دوو پەلامار وە دڕۆن بومبی لە هەولێر و زاخۆ

شەفەق نيوز - هەولێر / زاخۆ 

دەزگای دژە تیرۆر لە هەرێم کوردستان، ئمڕوو پەنجشەممە، خەوەردا لە کەفتن درۆنیگ بومبی لە پارێزگای هەولێر، کە دویەم رویداو لەیجویرە لە ماوەی چەن ساعەت کەمیگ.

 دەزگاگە لە بەیاننامەیگ رەسیە ئاژانس شەفەق نیوز وت: درۆنیگ بومبی لە نزیک ساعەت 10:50 لە نزیکە ئاوای  سوريژە سەروو ناحیەی لە پارێزگای هەولێر کەفتە خوارەو.

وتیش: رویداوەگە هیچ زەرەدیگ گیانی یا دارایی لەلی نەکەفتەو.

شەفەق ئمڕوو پەنجشەممە، درۆنیگ بومبی نزیک ئاوای "جێژنیکان" سەروە ناحیەی بەحرەکە لە پارێزگای هەولێر کەفتە خوارەو، وەگورەی بەیاننامەی دەزگاگە.

هەرلیوا، دەزگاگە لە بەیاننامەیگ سێیەم راگەیان کە دووارە کێڵگەی نەفت DNO لە ناوچەی تاوکی لەناو سنوور ئیدارەی زاخۆ لە ساعەت 10:55 وە درۆنیگ بومبی کریا ئامانج، و خوەیبەخشانە هیچ زەرەدیگ گیانی یا دارایی توومار نەکریا.

 یەیش لە زنجیرەیگ لە پەلامارەیل هاووەخت تیەێد وەە درۆنەیلە کە هەرێم کوردستان بە چەن رووژیگە وەخوەی دوینێد، کە دامەزراوەیل و کێڵگەیل نەفتی گرنگ لە هەولێر و دهۆك کردنە ئامانج، و بویە مدوو وسیان کار لە چەن شوینیگ، کە زەردەیل دارابی رەسان وە کەرت وزە لە هەرێم کوردستان.

تا ئیسە هیچ لایەنیگ وەرپرسایەتی خوەی لەی پەلامارەیلە ئاشکرا نەکرد، وەلێ وەرجەیە وەزارەت ناوخۆی هەرێم کوردستان توومەتبار باڵەیلیگ کرد پەیوەندی وە حەشد شەعبی دیرن کە هانە پشت ئی پەلامارەیلە.