دهۆک.. گلەوخواردن 400 خێزان ئێزیدی لە کامپەیلەو ئەرا شەنگال
شەفەق نیوز/ وەڕێوەبەر فەرمانگەی کووچ و کوچبەرەیل و جواوداین قەیرانەیل دهۆک، دیان جەعفەر، ئمڕوو دووشەممە، گلەوخواردن 400 خێزان لە ئێزیدیەیل کامپەیل پارێزگاگە ئەرا شەنگال لەماوەی چوار رووژ وەرین راگەیان.
وەپای قسەی ئەرا ئاژانس شەفەق نیوز وت، لە دویەکە یەکەشەممە و دەسکریاس وە پرۆسەی گلەوخواردن کە 92 خێزان لە کامپ جم مشکۆ لە شار زاخۆ ئەرا شەنگال گەوخواردنە، مەزەنەکرێد ئمڕوو زیاتر لە 100 خێزان ترەک گلەوبخوەن، لە دوو رووژ ئایندە شمارەگە رەسێدە 400.
ئاشکرایکرد ئەو ئاوارەیلە ئەرا ناوچەیلیان گلەوخواردنە لە کۆمەڵگەی سیبا و تل عەزیز و کرزرک و دوکوروی و لە لە قەزای شنگال نیشتەجیبوین" وتیش " ئێ خێزانەیلە لە گوزەشتە ناونویسانە ئەرا گلەوخواردن کە وە هاوکاری ورد وەزارەت ناوخوەی حکومەت هەرێم کوردستان له ری رێکخریاگ ئای ئۆ ئێن.
وتیش؛ پرۆسەگە دوارە لە سەرەتای مانگ ئایار دەسوەپی کەێ چەوەێ بڕیار سەرۆک ئەمریکا دۆناڵد ترامپ کرێد لە باوەت کارکردن رێکخریاگ "ئای ئۆم ئێن".
