دروسکردن لانە ئەرا باڵندەیل لە سلێمانی.. وینە
2024-08-16T12:45:48+00:00
شەفەق نیوز/ ریخریاییگ ژینگەیی لە سلێمانی، ئمڕوو جمعە، دەسکردە بڵاوکردن لانەیل چووین ئەرا باڵندەیل لە قەزای چەمچەماڵ، ئەوەیش وە بوونەی رووژ ژینگەی کوردستان.
پەیامنێر ئاژانس شەفەق نیوز وت: ئی کارە لە ژیر دروشم (باڵندەیلیش شوینیگ گونجیاگ خوازن) وەلایەن ریخریاگ ئایندە ئەرا مقیەتیکردن ژینگە هات.
مەعروف مەجید سەرۆک ریخریایەگە ئەرا ئاژانس شەفەق نیوز وت: لە وەردەوامی کار ریخریاگ ئایندە ئەرا مقیەتیکردن ژینگە وە هەماهەنگی وەرد شارەوانی چەمچەماڵ، و مەکتەو شاین تایبەت، لاتەیل چووین ئەرا باڵندەیل دروس کریا، ئەرا یەکەم جارە لە قەزای چەمچەماڵ.
وتیش: پلان ئی پڕۆژە لە چالاکەیل رووژ ژینگەی کوردستان بوی، وەلێ لەوەر بڕیگ هوکار خریا دویا، وتیش: لانەی باڵندەیل ئەرا کەموتەر دروس کریانە، و لە وەردەم زانکۆی چەرموو لەناو بازاڕ شارەگە نریان.
دیاری کرد کە ١٠٠ لانەی بویچگ لەناو باخچەلی فەرمانگەیل حکومەتی لە شارەگە نریا، لە قۆناغ یەکەمین، و لە رووژەسل بانان چەن لانەیگ ترەک جویر پیشکەش دروس کریەێد.
