خوەڵوارین لەهەرێم کوردستان دەسوەپی کەێد

شەفەق نیوز/ دەسەی کەشناسی هەرێم کوردستان، ئمڕوو سێشەممە، راگەیان لە پەنجام هاتن شەپوولیگ خوەڵوارین ئەرا عراق هاتێ بەشیک تەپوتوز وەبان ناوچەگەمان بوود.

دەسەگە لە بەیاننامەیگ راگەیان "ئمڕوو سێشەممە ئاسمان ساماڵ و لەکە ئەورە، لە سنوور پارێزگای دهۆک ۆ ناوچە سنووریەیل نیمە ئەور بوود و پلەی گەرمی لە چەو توومارەیل دویکە".

دیاریکرد "سوو چوارشەممە، ئاسمان سماڵ ولەکەئەورە لە ئیوارە و شەو هاتێ تەپوتوز کەمیگ بوود وەبان بەشیگ لە ناوچە جیاوازل و پلەی گەرمیش کەمیگ بەرزەوبوود".

پلەی گەرمیی مەزەنەکریاگ:

هەولێر :  39  پلەی سیلیزی

سلێمانی : 37 پلەی سیلیزی

دهۆک :   38  پلەی سیلیزی

کەرکوک : 43 پلەی سیلیزی

زاخۆ  :  39 پلەی سیلیزی

هەڵەبجە :38 پلەی سیلیزی

سۆران :  36 پلەی سیلیزی

حاجی ئۆمەران : 25 پلەی سیلیزی

گەرمیان :43 پلەی سیلیزی.