حکومەت هەرێم کوردستان وەفەرمی مووچەی پەرلەمانتارەیل و وەزیر وەرپرسەیل کەمەو کەێد

شەفەق نیوز/ وەڕێۆبەرایەتی خانەنشینی گشتی سەروە وەزارەت دارایی وئابووری لە هەرێم کوردستان، بڕیار دا مووچەی پەرلەمانتارەیل و وەزیرەیل وجیگر وەزیرەیل و راوێژکارەیل و وەڕێەوبەرە گشتیەیلە لە خانەنشینەیلە وە ئاست ٥٠% کەمەو بکەێد.

وەگورەی کتاویگ وە واژوو حازم ئیسماعیل رەمەزان  وەڕێوبەر خانەنشینی گشتی لە هەرێم کوردستان، ک لە رووژ ١٨ی ئاب دەرچگە: ئەوەسا مووچەیل ئی مانگە ئەرا ئەو پۆستەیلە وەگورەی یاسای چاکسازی ٢ ئەرا ساڵ ٢٠٢٠ وە بڕیار وەزیر دارایی و ئابووری دابەش کریەێد.

رەمەزان دیاری کرد ک ئەوسا مووچەی ئەو پۆستەیلە وەگورەی یاسای چاکسازی دابوش کریەێد.