حكومه‌ت هه‌رێم سوپاس فراكسيۆنه‌يل كوردستانى له په‌رله‌مان عراقى كرد
2015-12-18T09:14:58+00:00
له به‌ياننامه‌ى حكومه‌ت ئه‌را(شه‌فه‌ق نيوز)ئه‌وه ده‌ركه‌فت ك هه‌رێم كوردستان له روى وه‌ڕوى بوينه‌وه‌و په‌ياكردن چاره‌سه‌ر و سه‌رخستن كيشه‌ى ره‌واى كورد له‌بان ئاست ناوچه‌يى و هه‌رێمى و ناوده‌وڵه‌تى جه‌خت له‌وه كردگه ك ئى يه‌كگرتگى و ريككه‌فتنه ئه‌دێده بنه‌مايگ ئه‌را كار و هه‌ڵويستيگ ئه‌را گشت لايه‌نه‌يل كوردستانى.
جى باسه، ئه‌نجومه‌ن نوێنه‌ره‌يل عراقى زويتر ده‌نگ له‌بان پرووژه‌ى بودجه‌ى گشتى عراقى ساڵ ئاينده‌ى 2016 داو به‌ش هه‌رێم كوردستان ك 17% بوى هيشته‌و، ك هه‌رچه‌نى فراكسيۆن ده‌وڵه‌ت ياسا ناڕه‌زايى ده‌رخست له‌بان په‌سه‌نكردن ئه‌و به‌شه و نه‌خواست هه‌رێم كوردستان به‌شه بودجه‌ى وه‌ه‌و ريژه‌ى ساڵ وه‌رينه وه‌ربگرێد، وه‌لێ وه يه‌كهه‌ڵويستى فراكسيۆنه‌يل كوردستانى به‌ش هه‌رێميش له بودجه‌ى گشتى په‌سه‌ن كريا.
