جيگر مير ئێزيديه‌يل خوازياره هيزه‌يل سه‌ربازی له شه‌نگاڵ ده‌ربچن
ته‌حسين به‌گ له لێدوانيگ ئه‌را(شه‌فه‌ق نيوز)وت: ئێزيديه‌يل مه‌رمانيگن ئاشتيخواز و له‌و رووژه‌وه ك ريكخرياگ ترۆريستی داعش ناوچه‌يلمان داگير كردگه ڕووڵه‌يل تايفه‌گه‌مان ناڵنن وه‌ده‌س كووچكردن و نادياری چاره‌نويس شماره‌ی فريه‌يگ رفياگه‌يل و بيسه‌ر وشوونمان.
جی باسه، ته‌حسين به‌گ هه‌ميش وت: ئازادكردن شه‌نگاڵ له‌بان ده‌س هيزه‌يل پێشمه‌رگه‌و وه سه‌رۆكايه‌تی سه‌رۆك مه‌سعود بارزانی خوه‌شاڵی خسته دڵمان و پيشبينی يه‌يش له هه‌ردوگ حكومه‌ت به‌غداو هه‌ولێر و ده‌وڵه‌ته‌يل هاوپه‌يمان ئه‌كه‌يم نه‌خش كارايگ له ئاوه‌دانكردنه‌وه‌ی شه‌نگاڵ نيشان بيه‌ن و كه‌سه‌يل رفياگمان له‌ژير ده‌سڵات داعش درارن و له هه‌مان داوای ئه‌وه‌يش كرد هيزه‌يل چه‌كدار وه گورجی له شاره‌گه ده‌ربچن تا ده‌رفه‌ت بدريه‌ێد ده‌زگايه‌يل خزمه‌تگوزاری وه‌خاتر هاوردنه‌وه‌ی ژيان ئه‌را شاره‌گه‌و پۆليس ناوچه‌يی و ئاسايش كورد له‌تی ئه‌رك خوه‌يان نيشان بيه‌ن.
