تەرم شەش کەس لەناو ڤێلایگ خوەرهەڵات کوردستان پەیاکریا

شەفەق نیوز/ میدیایەل ئیرانی، ئمڕوو دووشەممە، راگەیانن تەرم 6 کەس لە  ڤێلایگ لە ورمێی خوەرهەڵات کوردستان پەیاکریاس تا ئیسە هووکار گیان لەدەسدانیان دیارنییە.

فەرزین ڕەزازادە وەڕێوەبەر فریاکەفتن ورمێ لەیباوەتە وە   میدیایەیل رایگەیان،" لەئاوای تەلاتەپەی ورمێ، تەرم شەش کەس لاناو ڤێلایگ پەیاکریان".

وتیش "ئیوارەی دویکە دویای ئەوەگ زانیاری رەسیەپیمان، تیمیگ فریاکەفتن ئەرا ئاوایەگە کلکردیمن دویای رەسین ئەرا شوینەگە لێکۆڵینەوەیل سەرەتایی ئەرایان دەرکەفتیە 6 هاوڵاتی لەناو  ڤێلایگ گیان لەدەسدانە".

وەپای قسەی وەڕێوەبەرەگە، لە تەرمەیلە چواریان پیاین و دوانیان ژنن تەمەنیان هاناوەین  ٣٠ تا ٤٠ ساڵ.

دیاریکرد، تا ئیسە هووکار مردنیان دیارنییە باوجی لێکۆڵینەوە دەسوەپیکردیە.