تايبەت.. واشینتۆن وە بەغدا: خەرجکردن زویوەزوی مووچەیل هەرێم کوردستان دڵنیای بەرهەمهاورەیل کەێد

شەفەق نيوز/ وەزارەت دەیشت ئەمریکا داوا لە حکومەت فیدراڵی لە بەغداد و حکومەت هەرێم کوردستان کرد پابەندبوون وە بڕین دارایی وەرین کە دەڤیان هاتگە لە دەستوور عراقی، و کارکردن ئەرا یەکلاییکردن ناکۆکییەیل لەڕی گفتوگۆکرد.

 وەرپرسیگ لە وەزارەت دەیشت ئەمریکا لە وتاریگ تایبەت ئەرا ئاژانس شەفەق نیوز وت: چارەکردن پرس مووچەیل وەزوی پەیامیگ رەسنێد کە عراق بەرژەوەنی گەل خوەی خوازێد، و ژینگەیگ دروس کەێد کە هیلێد بەرهەماوردن بکیشێد، هەمیش نشانەیگ ئەرێنی ئەرا توانای دووارە وازکردن کڕ لویلەیل نەفت عراق - تورکیا دروس کەێد.

 دووپات کرد کە پاڵپشتیکردن ئەمریکا ئەرا هەرێم کوردستان چشتیگ سەرەکیە  لە پەیوەندیی وەعراق، وتیش؛ مارکۆ رۆبیۆ وەزیر دەیشت ئەمریکا میوانداری مەسروور بارزانی کرد، هەمیش وەرد نێچیروان بارزانی سەرۆک هەرێم کوردستان قسە کرد، کە دووپات لە گرنگی وەردەوامی هاوکاری کرد ئەرا قایمکردن ئارامی و گەشەپیدان عراق و ناوچەگە.

ئی قسەیلە لە وەختیگ تیەێد پرس مووچەی فەرمانبەرەیل هەرێم کوردستان کەفتیەسە قەیران نوویگ، دویای راگەیانن وەزارەت دارایی فیدراڵی وە وسیان سپۆنسەرکردن مووچەیل مانگ ئایار 2025، گوایە هەرێم کوردستان لە بەشەگەی لە بودجە زیای چگە و پابەند نەوەیە تا داهاتەیل نەفتی و نانەفتی بەێدە دەس.