بڕیارەیلیگ چەوەڕیکریای لە حکومەت هەرێم کوردستان لەباوەت قەیران مووچە
شەفەق نيوز/ بڕیارە، ئمڕوو چوارشەممە، ئەنجومەن وەزیرەیل هەرێم کوردستان، گردەوبوین گرنگیگ ئەنجام بەێد، لەناوی باس یەکیگ لە ناسکترین باوەتەیل بکەێد، کە پرس خەرجکردن مووچەیل فەرمانبەرەیلە، وەگەرد چەوڕیکردن فراوانیگ لەناو مەردم.
سەرچەوەیلیگ ئاگادار ئەرا پەیامنێر ئاژانس شەفەق نیوز وتن: ئمڕوو ئەنجومەن وەزیرەیل هەرێم کوردستان دانیشتن خولەیی ئەنجام دەێد، و پرس مووچەی فەرمانبەرەیل و خاوەن مووچەیل خریەێدە ناو دیارترین باسەیل ناو ئەو گردەوبوینە.
وەگورەی زانیارییەیل، گردەوبوینەگە هەمیش باس شایستەیل گوزەشتەیل مارەبڕین ناوەین کوڕ و دویەتەیل شەهیدەیل، وەگەرد نووڕین گریەداین باوەتەیل کارمەنەیل لە حکومەت لەی چینە.
داوا و پەڵپەیل جەماوەری زیایەو بوون وە چارەسەریەیل ریشەیی ئەرا گیچەڵ دیرکەفتن مووچەیل، کە سای خوەی خستیەسە بان ژیانگوزەرانی فەرمانبەرەیل هەرێم کوردستان، و قەیرانەیل ئابووری تاسن دروس کردگە.
چەوەڕی کریەێد لەی گردەوبوینە بڕیارەیلیگ یەکلاییکەر دەرچوود، یا وە دیاریکردن میکانیزم نوویگ ئەرا خەرجکردن مووچەیل، یا وە وازکردن ریەیل جیگر، لە وەختیگ چەوەیل نووڕنە حکومەت هەرێم کوردستان لەبان توانای لە رەفتارکردن وەرد ئی گیچەڵە.
