بارزانى ڕی نه‌يا ئێزيديه‌يل تويڕه‌ ئاوايه‌يل عه‌ره‌بنشين له‌ شه‌نگاڵ بسزنن

له‌ی باوه‌ته‌و، سه‌رچه‌وه‌يگ ئه‌را(شه‌فه‌ق نيوز)باس له‌وه‌ كرد ك جه‌نگاوه‌ره‌يليگ ئێزيدی ك له‌لايه‌ن پارت كارگه‌ره‌يل كوردستانه‌و پشتگيری كريانه‌ به‌شه‌يليگ له‌ ئاوايه‌يل عه‌ره‌بنشين سزاننه‌ له‌ قه‌زای شه‌نگاڵ له‌ خوه‌رئاوای موسڵ.

له‌لايه‌ن خوه‌ييشه‌و، عه‌قيد كاران سديق ئه‌فسه‌ر له‌ هيزه‌يل پيشمه‌رگه‌ ئه‌را(شه‌فه‌ق نيوز)وت: مه‌سعود بارزانی سه‌رۆك هه‌رێم رينمايی داگه‌ ك نواگيری له‌ هه‌ر كاردانه‌وه‌يگ بكريه‌ێد له‌لايه‌ن ئێزيديه‌يله‌و له‌وه‌رانوه‌ر ئاوايه‌يل عه‌ره‌بنشين.