ئازادکردن دویەتیگ ئێزدی دویای 11 ساڵ لەناو زیندانەیل داعش.. وینە
شەفەق نيوز - دهۆك
چالاکوان ئێزدی عەبدولڵا شریم، کە لە ساڵ 2014ەو تەقەلای رزگارکردن ژنە ئێزیدیە رفیاگەیل لە چنگ ریخریاگ داعش، ئاشکرای ئازادکردن دویەتیگ ئێزدی نوو وەناو دیما ئەمین، دویای ساڵەیل دویرودرویژیگ لە زیان و زیندانی.
شريم، ئەرا ئاژانس شەفەق نیوز وت: "ديما لە تەمەن 24 ساڵان خەڵک ئاوای كوجو باشوور قەزای شنگال، وەگەرد کەسەیل بنەماڵەی مەوقەی داگیرکردن ناوچەیل شنگال لەلایەن داعش لە ساڵ 2014 رفیانە.
وتیش: دیما یە زیاترە لە ساڵیک لەناو زیندانیگ لەناو خاک تورکیا بویە، دیاری کرد کە تیمەیل رزگارکردن رەنجەیل فرەیگ دان تا بڕەسنە هاناێ، و توانست دروستی چەن رووژیگ دویای جەژن قوربان لە زیندان مەرەقەز بوود، تا دویای ئەوە وە کاریگ ئاڵووز دەرچگنی لە تورکیا و هاوردنی وەبیوەی ئەرا هەرێم کوردستان دەسوەپی بکەێد.
شريم وتیش: ديما دویەکە ئیوارە لەڕی نوێژ ئیبراهیم خەلیلەو رەسیە ناو هەرێم، کە بڕیگ لە کەسەیل خیزانەگەی یە 11 ساڵە نەینەسەی، تا ئیجا وەرەو ناوچەی شاريا بچوود لە پارێزگای دهۆک کە ئیرنگە لەورا داکاسیاس، وتیش: یەکەم یەکەوگردن دیما وەگەرد خیزانەگەی کاریگەر بوی لە تیکەڵیگ خوەشی و خەفەت.
شريم، شوینی لە حکومەت هەرێم کوردستان کرد ئەرا پیشکەشکردن ئاسانکاری و دەسمیەتیی لە هاتن دیما ئەرا میلکان خوەی.
جی باسە کە باوگ دیما هیمان بیسەروشوینە، وەگەرد دووان لە برایەیلی، و داڵگی و خوەشیگی وەگەرد دوو برای لە ساڵەیل گوزەشتە ئازاد کریان، لە تەقەلایل وەردەوام لەلایەن نویسنگەی کاروبار رفیاگەیل لە هەرێم کوردستان.
