"چارەسەری نزیکەو بوود".. ئەنجومەن وەزیرەیل باس قەیران مووچەی فەرمانبەرەیل هەرێم کوردستان کەێد

شەفەق نيوز/ سەباح سوبحی نوینەر پارت دیموکرات کوردستان لە پەرلەمان عراق، ئمڕوو سێشەممە، دووپات کرد کە ئەنجومەن وەزیرەیل فیدراڵی لە دانیشتن ئاسایی باس قەیران مووچەی فەرمانبەرەیل هەرێم کوردستان کەێد، وتیش: چارەسەرکردنی نزیکەو بویە دویای زەنجرەیگ لە دیدارەیل ناوەین بەغداد و هەولێر.

    سوبحی ئەرا ئاژانس شەفەق نیوز وت: قەیران مووچەیل و نەفت لە هەرێم کوردستان وەی نزیک زویە چارەسەر کریەێد، وەتایبەت دویای زەنجرەی دیدارەیل و گفتوگۆ و چەوپیکەفتن ناوەین وەرپرسەیل لە حکومەت فیدراڵی و هەرێم کوردستان.

  سوبحی دیاری کرد کە قەیرانەگە لە وەخت راسەوکردن مادەی 12 لە یاسای بودجەی فیدراڵی هەسەی، و ئومید لە حکومەت فیدراڵی خوازیمن چارەسەری وەگورەی یاسا و دەستوور لە مادەی 11 و12 چارەسەریی بکەن، کە مەرەقەزکردن مووچە و شایستەیل فەرمانبەرەیل هەرێم کوردستان مسۆگەر کەێد.

دویەکە دووشەممە، شتیک لە حکومەت هەرێم کوردستان رەسیە بەغدا، ئەرا دویەم جار لەماوەی دوو هەفتە، لە چوارچیوەی تەقەلایەیل وەردەوامیگ ئەرا رەسین وە رێککەفتن وەرد حکومەت محمد شیاع سودانی سەرۆک وەزیرەیل.