کاروبار مین 3 ناوچە لە باکوور دهۆک لە وەجیماگەیل جەنگی پاکەوکەێد (وینە)
شەفەق نیوز/ وەڕێوەبەرایەتی کاروبار مین لە دهۆک، ئمڕوو دووشەممە، راگەیان سەرکەفتی بویە لە پاکەوکردن شمارەیگ زەوی باکوور پارێزگاگە لە مین و وەجیماگەیل جەنگی.
وەرپرس راگەیانن لە فەرمانگەی ریدێر بیسفکی وە ئاژانس شەفەق نیوز وت "تیمەگە توەنستنە مینەیل ئاوای کورکا سەر وە قەزای باتیڤا لە باکوور دهۆک پاکەوبکەن وەرد پاکەوکردن شمارەیگ توپ نەتەقیاگ لە ئاوای سبیندار سەر وە قەزای ئامێدی باکوور پارێزگاگە، و ئەرا شوینیگ بیوەی کلکریاس تا وەشیوەی بیوەییگ لەلیان قورتاریان بوود.
دیاریکرد "تیمیگ لە فەرمانگەگە شمارەیگ لە مادەیل تەقەمەنی و وەجیماگەیل جەنگی لەبان سنوور ناحیەی کانی ماسی هاوسنوور توکیا پاکەوکردنە، کە مادەیل پێکهاتبوین لە تووپ توپخانەیل 100ملم و هاوەنیگ عەیار 82ملم، وەرد مین و شمارەیگ کەرەستەیل تەقەمەنی ترەک، ئەرا شوینیگ ئەممارکردن بیوەیگ بریانە وەرجە ئەوەگ وەشیوەی بیوەیگلە شوین پوڕیایگ لەڕی تیمەیل فەرمانگەگە پویچەوبکرێد".
