کوشیان ئه‌فسه‌ریگ و پولیسیگ وە پەلاماریگ لە کەرکوک
2023-01-18T10:59:57+00:00
شەفەق نیوز/ سەرچەوەیگ لە پارێزگای کەرکوک، ئمڕوو چوارشەممە، خەوەردا لە کوشیان ئەفسەریگ و پولیسیگ لەبان ری سەرەکی ناوبەین کەرکوک و سلێمانی.
سەرچەوەگە ئەرا ئاژانس شەفەق نیوز وت: دویەشەو لەوەخت دیريگ، مەوقەی گەردین و وەشکین، مەفرەزەیگ پولیس لە کەرکوک لەبان جادەی سەرەکی سلێمانی، له‌لایه‌ن چه‌كدارەیلیگ نەناسیاگ گ تەقە لەلیان کریاگە، و ئه‌فسه‌ریگ وە پله‌ی نه‌قیب و پولیسیگ لەو هیزەیلە کوشیانە.
وە پەی زانیاریەیل، ئه‌فسه‌ره‌گه ناوی نه‌وزاد حسێن عه‌لیه و پولیسه‌گه‌یش ک هاوكات شۆفێر بویه ناوی محه‌مه‌د پاشا حسێنه.
دویای پەلامارەگە وه‌رپرس پولیس كه‌ركوك چیە شوین رویداوەگە و راگەیان " وەشوین تاوانباره‌یل گەردیمن، تا توڵه‌ی شه‌هیده‌یلمان بسینیمن، سزای دادپه‌روه‌رانه‌یان لەبانیان جیوەجی کەیمن.
