کوشیان دوو کەس وە گولەی چەکدار نەناسریایگ لە باشوور عراق
2023-07-17T11:16:53+00:00
شەفەق نیوز/ سەرچەوەیگ ئەمنی لە زیقار، ئمڕم دووشەممە، خەوەردا لە کوشیان دوو کەس وە پەلامار چەکداری لە باشوور پارێزگاگە.
سەرچەوەگە وە ئاژانس شەفەق نیوز خەوەردا، " کەسیگ لەناو ماشین تەقە وە ئاراستەی دوو کەس کردیە ک لەناو ماشینیگ لە جویر "پیک ئاب" بوینە و دەسوەجی کوشیانە لە ناوچەی (ئەلبوعەزیم) باشوور شار ناسڕیە ناوەن پارێزگاگە و ئەرا شوین نادیاریگ وایە".
سەرچەوەگە وتیش؛" هێزەیل ئەمنی ئاخڵەی شوین رویداوەگە دانە تەرم هەردوگیان ئەرا پزیشک دادوەری کلکردنە تا رێکارەیل یاسایی تەواوبکەن و لێکۆڵینەوە وازبکەن ئەرا ناسین تاوانبارەگە".
