١٢ مردن و ٢١٠ تۊشهاتن کۆڕۆنا لە هەرێم کوردستان
2021-12-05T16:40:59+00:00
شەفەق نیوز/ شمارەی مردنەیل و تۊشهاتنەیل ڤایرۆس کۆرۆنا لە هەرێم کوردستان، لە ماوەی ٢٤ سەعات گوزەیشتە، دووارە بەرزەو بۊین، وە توومارکردن ١٢ مردن و ٢١٠ تۊشهاتن نوو.
وەزارەت تەندروسی لە حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: لە ماوەی ٢٤ سەعات گوزەیشتە، ٤٢٣٤ تاقیکردنەوە ئەنجام دانە، لەناویان ٢١٠ تۊشهاتن نوو ئاشکرا بۊیە.
وتیش: ٤٠٣ بیمار لە پەتاگە خاسەو بۊین، وەرانوەر ١٢ مردن لە گشت ناوچەیل هەرێم کوردستان.
بەیاننامەگە وتیش: لەوەخت بڵاوبۊین ڤایرۆسەگە لە هەرێم کوردستان، ٢١٨٧١ کەس کەرەنتین کریانە، و ٣٥٥٠٢٠١ تاقیکردنەوە ئەنجام دریاگە، لەناویان ٣٧٦٨٦٨ تۊشهاتن ئاشکرا بۊیە، لەلیان ٣٦٥٠٧١ خاسەو بۊینە، و ٦٩٢٦ مردنە.
