مردن پیاو پیریگ و قورتارکردن سێ ژن و مناڵیگ لەناو ئاگریگ لە بەسرە
2023-01-15T08:43:16+00:00
شەفەق نیوز/ وەپای ئەوەگ وەرێەوبەرایەتی وەرگیری شارستانی، ئمڕوو یەکشەممە راگەیان، پیاویگ وەتەمەن گیان لەدەسدایە و تیمەیل وەرگیری شارستانی توەنستنە سێ ژن و مناڵیگ قورتاربکەن لە ئەنجام سزیان ماڵەگیان لە قەزای ئەبو خەصیب لە پارێزگای بەسرە لە باشوور عراق.
وەڕێەوبەرایەگە ئمڕوو لە بەیاننامەیگ راگەیان، تیمەیلیان سێ ژن ومناڵیگ قورتارکردنە ک لەوەر ئاگر گردن ماڵەگەیان لە وتاق ماڵەگە گیرکردوین لە ناوچەی ئەبو خەصیب لە پارێزگای بەسرە، هەمیش تەرم پیاویگ کەمئەندام وەتەمەنیگ دراوردنە.
وەپای بەیاننامەگە، رەسینەسە شوین رویداوەگە وەگەردیا دەسکردنەس وە ئۆپراسیۆن قورتارکردنیان وەگەردیا کارەیل کپەوکردن ئەنجامدانە و تیم فریاگوزاری کارەیل فریاکەفتن سەرەتایی و بوژانەوەی سویەگان ئەرا زەخمدارەیل ئەنجامدانە، وتەرمەگە کلکریا ئەرا فەرمانگەی پزیشک دادوەری، هووکار هیزگردن ئاگرەگە کەمتەرخەمی لە مەرجەیل سەلامەتی بوویە.
