لە سێدارەداین "رخبەرترین" بازرگان مادەی هووشبەر لە عراق
2023-02-08T08:47:01+00:00
شەفەق نیوز/ دادگای تاوانەیل رەسافە، ئمڕوو چوارشەممە، سزای لە سێدارەداین دەرکرد لەبان "رخبەرترین" تاوانبار بازرگان مادەی هوشبەر لە مابەین عراق و وڵاتەیل خەلیج و ئیران.
ناوەند راگەیانن ئەنجومەن دادگای باڵا لە بەیاننامەیگ رەسیە ئاژانس شەفەق نیوز وت، " تاوانبار وە یەکیگ لە رخبەرترین بازرگانەیل مادەی هووشبەر دانریەێد، دەسگیرکریا هەنای تواست دزە وە بڕیگ گەپ لە مادەیل (کریستال و حەشیش و حەب) بکەێد ئەرا سعودیە لە ری " بیاوان سەماوە" و ری " دەروازەی عەرعەر" سنووری.
لە بەیاننامەگە وتیش " سزای لە سێدارەدان ئەرای وەپای بڕگەیل مادەی 27 / یەکەم لەیاسیای هوشبەر و کاریگەری دەروینیەیل شمارە 50 سا 2017 تێد".
